Zgjidhja e problemeve të rivendosjes së fjalëkalimit

Këtu jepen disa këshilla për zgjidhjen e problemeve nëse po has probleme me identifikimin që përfshijnë skenarët e mëposhtëm: 

• Nuk po merr emailin e rivendosjes së fjalëkalimit. 

• Lidhja e rivendosjes së fjalëkalimit nuk funksionon. 

• Mund të identifikohesh, por sheh faqen "Coming soon" (Do të ofrohet së shpejti) dhe transmetimi nuk është i mundur.  

Çfarë duhet bërë? 

• Sigurohu që adresa jote e emailit është shkruar saktë. Nëse ka një gabim shtypi, nuk do të mund ta modifikosh vetë emailin, kështu që na kontakto dhe do të të ndihmojmë ta korrigjosh. Për të shmangur gabimet e shtypit ose krijimin e llogarive të shumëfishta, ne rekomandojmë shumë verifikimin e adresës së emailit ose informacioneve të tjera kur regjistrohesh. 

• Kontrollo që adresa e emailit që po shkruan është e lidhur me llogarinë tënde aktive, pra atë me anëtarësim aktiv. Është e mundur që pa dashje të kesh krijuar llogari të shumëfishta ose të kesh kërkuar fshirjen e llogarisë që po përpiqesh të aksesosh. Nëse është ky rasti, do të të duhet të regjistrohesh përsëri. Shiko njoftimet e tua për të gjetur se cili është emaili për llogarinë aktive.  

• Shiko nëpër të gjitha skedat në kutinë hyrëse, si "Spam" (Posta e padëshiruar), "Priority" (Prioritet) dhe "Others" (Të tjera), në rast se ke vendosur rregulla për të klasifikuar automatikisht emailet hyrëse në shumë kategori apo dosje. 

• Përdor versionin më të fundit të njërit prej këtyre shfletuesve të mbështetur: Chrome 110+ (Windows/Mac), Firefox 110+ (Windows/Mac), MS Edge 110+ (Windows/Mac), Safari 14+ (Mac).  

• Hap lidhjen e rivendosjes së fjalëkalimit në një dritare të fshehtë (incognito) ose në një shfletues tjetër. Mund edhe të provosh rivendosjen e fjalëkalimit duke përdorur një pajisje të ndryshme me të njëjtin shfletues ose një shfletues të ndryshëm.  

• Sigurohu që VPN-të që mund të jesh duke përdorur të jenë çaktivizuar.    

Të duhet ndihmë e mëtejshme? 

Jemi këtu për të të ndihmuar! Na kontakto dhe sigurohu që të kesh gati informacionin e mëposhtëm:  

• Mesazhin e gabimit dhe hapat për të rikrijuar problemin. 

• Shfletuesin dhe versionin. 

• Modelin/markën e pajisjes dhe sistemin operativ.